څلوريځه
زړونه جوړول كوو دزړونو پيوستون غواړو
موږ دخپلو خلګو پر يوه خبر تړون غواړو
دا پراته وګړي به راټول كړو پر يوه ټغر
نه منو نفاق داتحاد پر لار سمون غواړو
څلوريځه
خپلي سترګي خپل زړګئ به دې په نام كړم
هر سحر هر مازيګر به دې سلام كړم
اې خالقه داسي نه چي ګنهګار شم
دخيبر دښكلو خلګو دې امام كړم
په درناوي
محمدحيدر وقار
سهيلي پښتونخوا مسلم باغ
افغان كډوال پنډ غالئ
خبرتيا
پښتو اناټومي چاپ شو
په پښتو ژبه كښې دډاكټرئ كتاب چي پكښې دانسان دبدن
دټولو غړو په اړوند غوره او په زړه پورې معلومات او ځانګړتياوي شته دي
د ٫ ډاكټر محمدشفيق صاحب له لوري څخه
په ۴۰۰ مخه كښې له چاپه راووتو ٫ ښآغلئ ډاكټرمحمدشفيق صاحب چي
دپښتوادبي قنديل ٫ مسلم باغ ٫ يو فعاله ملګرئ دئ
له ډيروخت راهيسې ئې دا هوډ درلودلو چي په پښتو ژبه كښې دډاكټرئ
يو كتاب چاپ كړي څو پښتنو ته په ځانګړې توګه ډاكټرانوته ګټور تمام شي
٫ البته دادډاكټر شفيق صاحب له لوري څخه دډاكټرئ لومړئ كتاب دئ
چي په راتلونكي كښې دا اراده لري چي دې كتاب ته ورته يوبل كتاب هم چاپ
كړي٫ خو دم ګړئ ئې همدا كتاب چي ٫ په ٫ پښتو اناټومي ٫ سره نومول شوئ
دغزنوي كتب خانې له لوري څخه چاپ شو مينه وال كولاي شي دغه كتاب
په كوټه٫ پيښور٫ كندهار٫ كابل او جلال اباد كښي ٫ له كتب خانو څخه تر لاسه كړي٫٫ كور يې ودان او قلم يې روان
په درنښت
محمدعلي عمري
سهيلي پښتونخوا مسلم باغ
شعر٫ هنرمل كاكړ
چي دې غېږې له درځي هلمنده خوره ئې
هر مغرور سر دغربي هلمنده خوره ئې
زه دنوي ميوند عكس په تاكي وينــــــم
سپموه ئې مه مغزي هلمنده خوره ئې
هره كنده ورته ژامه دښامار كــــــــړه
اي باتوره اي ياغي هلمنده خوره ئې
دوي ازاد به دمايوس ژوندون له قيد شي
ستا به خلاصه وي روزي هلمنده خوره ئې
په درنښت
هنرمل كاكړ
سهيلي پښتونخوا ژوب
