درسول صلي الله عليه وسلم نبي كېدل

كله چي درسول كريم ص عمر مبارك په قمري حساب څلويښت كاله او يوه ورځ شو نو ده مبارك ته دالله پاك له لوري څخه نبوت وركړل شو

او نبوت ددوشنبې په ورځ او له نوي تحقيق سره سم دنبوت تاريخ دلومړۍ خورنهمه چي د۶۱۰ عيسوي دفروري دمياشتې له شپږم تاريخ سره سمون خوري

نبوت وركړل شو

مكې مكرمې ته نژدې يو غر دئ دهغه غره په يوه سمڅه كي چي دغار حرا په نامه سره ياديږي په همدې غار كي ونبي ص ته نبوت وركړل شو دنبي ص يوازيتوب ډير خوښ وو دهغه طريقه دا وه چي ديو څه وخت دپاره به دې سمڅې يا غار ته تلي يوازي به يې دخداي عبادت كاوو او شپه او ورځ به هلته وو٫ داسي به هم پېښه شوه چي ده به له ځانه سره خوراكي مواد وړي وو هغه به ددومره وخت دپاره كافي نه وو نو كله به چي دهغه مېرمنې خديجې رض وخت پيدا كړو خپله به يې خوراكي شيان هلته ورسول

او مشهوره داده چي رسول ص عبادت دابراهيم عليه سلام پر طريقه باندې كاوو

پيغمبر ص ته چي كله نبوت وركيدو يو نور يې ليدلي وواو تر هغه شپږ مياشتي وړاندې به يې ډېر ځله رښتيني خوبونه ليدل چي تعبير به يې دومره صاف او رښتينئ وو لكه په ورځ كي دلمر راختل٫ او نبي ص ته دنبوت پيښه داسي رامينځ ته شوه ٫ چي خپله پيعمبر ص وايي ٫ زه په غار حراكي وم چي جبرائيل عليه السلام هلته راغلئ او ويې ويل ٫ اِقرآ ٫ يعني ولوله ٫ ماوويل چي زه خو لوست نه شم كولاي ٫ جبرائيل عليه السلام زه په خپله غېږ كي دومره ټينګ كړم چي ماخو ويل روح مي ووتو ٫ بيايې پريښودم او ويې ويل ٫ اِقرآ ٫ يعني ولوله ٫ زما ځواب هم هغه وو ٫ جبرائيل عليه السلام بيا هغه عمل تكرار كړو كله چي يې دريم ځل په هغه ډول په غيږ كي ټينګ كړم او راته ويې ويل٫ ولوله ٫ ماورته وويل ٫ چي څه ولولم؟ دا وخت يې دا څو آيتونه ولوستل٫

اِقرآ باسمك الذي ٫ تر علم الانسان مالم يعلم پوري

ـــــــــــ

پيغمبر ص ته د پيدايښت پر يو څلويښتم كال دربيع الاول پر نهمه چي ۶۱۰ عيسوي ٫ دفروري دمياشتي له شپږم تاريخ سره سمون خوري ددوشنبې په ورځ دحرا په غار كي دنبوت ستر منصب وسپارل شو

والله اعـــــــلم

په مينه

محمدعلي عمري

سهيلي پښتونخوا مسلم باغ

ښي خبري

۱
هغه څوك چه ستا په مخ كي ستا عيبونه درته ښكاره كوي دهغي
كس نه يو لك واري ښه دي چي په درواغو ستا صفتونه كوي
۲
پر كمزوري رحم كوه الله ج به تا له ظلم څخه وساتي

۳

هغه عالم چه دعلم په مرسته په خپلو غرضونو پسي ګرځي
په خپله ګمراه دي دنوروخلكو به څه رهنمايي وكړي

۴
 انسان كه له دوزخ نه دومره ډارشوي وي لكه دغريبي نه چي
ډاريژي نوهم به له دوزخ نه خلاص وو او هم له غريبي نه

۵

څوك چي له بي عقل سره بحث كوي نودهغه ځواب داوريدلو
ته به حوصله كوي

۶

 دټوپك له اواز نه مه ويريژه ځكه هغه مرمي چه انسان مړكوي
اواز يي انسان نه اوري

۷

 دبدكاره اوخرابو ښځو نه ځان ساته اود نيكو ښځو څخه هم پرهيز
كوه ځكه دهغوي طرف ته ميلان كول دشر انتهآ ده

۸
 مخلص ملګري دميوه داري وني په مثال دي

۹

دكبرجنو خلكو ملاقات ته ورتلل په خپله دعزت كمول دي

۱۰

 څوك چي دآزادي حفاظت نه شي كولي نو دغلامي ځنځيرونو ته
د تيار اوسي يوه ورځ به ورته اچول كيژي

۱۱

 په لاره كښي ولاړ په ښكاره غل ښه دي له هغه فا سق نه چي دبزرګانو په جامه كي ګرځي

۱۲

هغه څوك چي د خپل لويوالي ډول غږوي هغه د ډول په شكل دننه خالي وي او دبزرګي
هيڅ پكي نه وي

د نړۍ تر ټولو زيات خپرېدونكى اواز

ژباړه عبدالرزاق حبيبي

د يو نړيوال راپور له مخې په نړۍ كې تر ټولو زيات خورېدونكى اواز اذان ښودل شوى دى ، ددې راپور له مخې هره ورځ اذان دانډونيشيا دختيځو جزيرو څخه د صبح صادق د ختلو سره پيلېږي او په يو وخت كې په زرګونو اذان كوونكي د الله د توحيد او د رسول الله د رسالت اعلانونه كوي ، د ختيځو جزيرو څخه دا پړاو لويديځو جزيرو په لوري حركت كوي او نيم ساعت وروسته د اذانونو دا سلسله د سماټرا په جزيرو كې پيلېږي او د سماټرا په كليو او ښارونو كې د اذانونه له پيلېدو مخكې د ملايا په جوماتونو كې د اذانونو اوازونه پورته شي ، دا سلسله نيم ساعت وروسته د بنګله دېش پايتخت ډاكه ته رسېږي ، په بنګله دېش كې لا اذانونه نه وي ختم شوي چې د كلكتې څخه تر سريلنكا پورې اذانونه پيل شي ، او له كلكتې څخه د هند تر بمبئي پورې ټول اذانونه پيل شي او د هندوستان ټوله فضا د الله د توحيد او د هغه د رسول صلى الله عليه وسلم د رسالت اعلانونه ونيسي ، په هندوستان كې چې اذانونه په ختمېدو شي نو د كشمير په سرې نګر او سيالكوټ كې پيل شي او او له سيالكوټ څخه دا سلسله د پاكستان كراچۍ ، ګوادراو له هغه څخه بيا ټول پاكستان ته ورسېږي په پاكستان كې تر اذانونو ختمېدو وروسته دا سلسله افغانستان او مسقط ته ورسېږي او په دې وخت كې د افغانستان او مسقط تر منځ ټوله فضا اذانونه نيولي وي ، د مسقط څخه تر بغداد پورې د يو ساعت فرق دى په دې وخت كې د سعودي عربستان ، يمن ، متحده عرب امارات ، كويت او عراق سيمه په مسلسل ټول اذانونه په خپله غېږه كې رانغښتې وي د بغداد څخه بيا تر اسكندريې پورې يو ساعت فرق دى په دې كې د اذانونو دا هوا په شام ، مصر، صوماليه او سوډان كې لګېږي ، اسكندريه او استنبول د هېواد په طول او عرض كې واقع كې دي له هغه څخه بيا د ختيځې تركيې پورې د نيم ساعت فرق وي په دې وخت كې د تركيې ټوله فضا اذانونو نيولي وي . د سكندريې څخه بيا تر طرابلس پورې د نيم ساعت فرق دى په دې وخت كې اذانونه په شمالي امريكه ، لېبيا او تيونس كې پيل شي او ټوله فضا بيا دالله توحيد او د رسول الله صلى الله عليه وسلم د رسالت اعلانونه ونيسي ، د سبا د راختلو دا اذان ، چې له انډونيشيا څخه پيل شوي و د نهه نيم ساعته سفر نه وروسته د اقيانونس بحر ختيځو غاړو ته رسېږي ، دا سلسله لا داقيانونس بحر غاړو ته رسېدلي نه وي ، چې په اندونيشيا كې بيا د ماسپښين اذان پيل شي او په دې ډول په ټوله ځمكه كې يوه ثانيه هم داسې نه راځي ، چې په سلګونو، په زرګونو بلكې په لكونو اذان كوونكي دالله د توحيد او د هغه د رسول الله صلى الله عليه وسلم د رسالت اعلان ونه كړي او دا سلسله به تر قيامته پورې جاري وي

 له ننګيال ويب پاڼې څخه په مننه