ددرود شريف په اړوند

حضرت عبدالرحمن بن ابي ليلي ٫ تابعي رحمت الله عليه فرمايي

چي زما دكعب بن عُجره رضي الله عنه سره ملاقات وشو نوماته يې وفرمايل چي زه تاته دهديې په طور يو څه درښيم چي ما درسول صلي الله عليه وسلم څخه اوريدلي دي٫ ماعرض وكړو چي راته ويې ښيه٫ نو ده وفرمايل چي موږ څو صحابه كرامو درسول صلي الله عليه وسلم نه عرض وكړو چي اې دخداي رسوله٫ په تاسو او ستا پر اهل بيت باندې موږ څرنګه درود ووايو

نو رسول صلي الله عليه وسلم داسي وويل

اَللهُمَّ صَلِّ عَلَي مُحَمَّدٍوَّعَلَي اَلِ مُحَمَّدٍ كَمَا صَلَّيتَ عَلَي اِبراَ هِيمَ وَعَلَي اَلِ اِبراَهِيمَ

اِنَّكَ حَمِيدُمَّجِيدٌ٫ اَللَّهُمَّ بَارِك عَلَي مُحَمَّدٍوَّعَلَي اَلِ مُحَمّدٍ كَمَا باَرَكتَ عَلَي

اِبرَاهِيم وَعَلَي اَلِ اِبرَاهِيم اِنَّكَ حَمِيدُمَّجِيدٍ

؟؟؟ بخاري ٫ مسلم ؟؟؟

ژباړه٫ اې الله رحمت وكړې پر محمد صلي الله عليه وسلم باندې او پر ال دمحمد صلي الله عليه وسلم باندې لكه چي رحمت كړئ دئ تا پر ابراهيم عليه السلام باندې او پر ال دابراهيم عليه سلام باندې بې شكه ته دصفتونو لايق او بزرګ يې اې الله بركت وكړې پر محمد صلي الله عليه وسلم باندې او پر ال دمحمد صلي الله عليه وسلم باندې لكه چي بركت كړئ تا پر ابراهيم عليه السلام باندې

ــــــــــــ

دصحابه كرامو دسوال مقصد داوو چي په التَّحِيَّات كښې موږ ته ښودلي شوي دي چي ٫ اَلسَّلاَمُ عَلَيكَ اَيُّهاَ النَّبِيَّ وَرَحمَتُ اللَّهِ ٫ موږ ووايو اوس راته دا وښايه چي دا په څه طريقه ووايو او يا دا چي الله پاك فرمايي ياَ ايُّهاَ الَّذِينَ اَمَنَو صَلُّو عَلَيهِ ٫ ژباړه يعني اې دايمان خاوندانو٫ درود وليږئ پر دې نبي عليه السلام٫ نوته موږ ته راوښايه چي موږ څه ډول درود پر تا باندې ووايو

نبي كريم صلي الله عليه وسلم چي كوم درود وصحابه كرامو ته وروښودلو په دې كښې دعلماوو مختلف خيالات دي ځيني وايي چي له اهل څخه

دنبي كريم ص خپل اهل وعيال مراد دي٫ خو ځيني نورعلماء بيا وايي چي له اهل څخه هرهغه څوك مراد دئ چي هغه مؤمن وي پر نبي ص باندې يې ايمان راوړئ وي ٫ امام فخر الدين رازي رح فرمايي چي په اهل كښې دنبي ص ازواج مطهرات او اولاد شامل دي

په هرحال د ٫ كَمَا صَلَّيتَ عَلَي اِبرَاهِيمَ ٫٫ تخصيص صرف دابراهيم عليه السلام وشو دبل نبي ذكر نشته ددې وجه دا ده چي اول خو ابراهيم عليه السلام دمحمدص نيكه وو دوهم دا چي په اصول دين كښې شريعت محمدي صلي الله عليه وسلم دهغه تابع دئ٫ ذكر شوئ درود په نزد دعلماوو تر ټولو افضل او بهتر دئ يو دا چي په ډيرو رواياتو كښې ثابت شوئ دئ بل دا چي په ځانګړې توګه په لمانځه كښې ٫ البته په التَّحِيَّات كښې ترتيب شوئ دئ

له حضرت ابو هريره رضي الله تعالي عنه څخه روايت دئ چي نبي كريم صلي الله عليه وسلم وفرمايل چي كوم سړئ پر ما باندې يو ځل درود شريف ووايي

نو پر هغه باندې الله پاك لس ځله درود شريف وايي

او همدارنګه بل روايت دئ حضرت انس رضي الله تعالي عنه فرمايي چي نبي كريم صلي الله عليه وسلم وويل چي څوك پر ما باندې يو ځل درود شريف ووايي نو الله پاك به پر ده باندې لس رحمتونه نازل كړي او لس ګناهونه به يې معاف كړي اولس درجي به يې ورپورته كړي ٫ نسايي ٫

له حضرت ابن مسعود رضي الله تعالي عنه څخه روايت دئ چي نبي ص فرمايلي دي چي دالله تبارك وتعالي ديري فرشتي پر زمكه باندي ګرځي٫ او زما دامت ٫ درود٫ اوسلام ماته رارسوي ٫ نسايي ٫ دارمي٫

له حضرت ابو هريره رض څخه روايت دس چي نبي ص وفرمايل چي تاسو له خپلو كورونو څخه قبرونه مه جوړوئ او زما پر قبر باندې داختر غوندي ميله مه جوړوئ تاسو پر ما باندې درود واياست تاسو چي هرچيري ياست ستاسو درود ماته رارسيږي

مطلب دا چي قبر كښې ٫ لمونځ٫ عبادت٫ درود نه ويل كيږي٫ نو دارنګه تاسو په كورونو كښې نفل عبادت كوئ او پر ما درود واياست٫ كوردقبر مشابه مه جوړوئ او زما پر قبر داخترونوپه ورځ ميله مه جوړوئ لكه عيدګاه ته چي سړئ يو او بل اختر ځي٫ او خوشحالي كوي٫ او نه ديهودو او نصارا وو په شان چي هغوئ به دارنګه ميلې دخپلو انبياوو پر مزارونو باندي جوړولي

همدارنګه له حضرت ابو هريره رضي الله تعالي عنه څخه يو بل حديث روايت دئ چي نبي ص وويل چي په خاورو دې خړه شي دهغه سړي پوزه چي دچا په مخكښې زما نوم واخيستل شي او هغه پر ما باندې درود ونه وايي او په خاورو دې خړه شي دهغه سړي پوزه چي پر ده باندې درمضان

حضرت عبدالله بن عمر رضي الله تعالي عنه فرمايي چي څوك يو ځل درود پر نبي ص باندې ووايي نو الله پاك او الله پاك فرښتې اويا ځله رحمت ليږي ددې درود شريف پر ويونكي باندې ٫ احمد ٫

همدارنګه بل روايت دئ له حضرت اميرالمؤمنين عمر بن خطاب رض څخه چي فرمايي ٫ دعا تر هغه وخته پورې دزمكې او آسمان ترمينځ راځوړنده وي او بره يعني پوره نه خيژې چي تر څوپوري تاسو پر خپل پيغمبر ص باندې درود نه وي ويلئ يعني كوم وخت چي تاسو پر خپل پيغمبر ص باندې درود وواياست بيا دغه دعا بره خيژي او دقبول وړ ګرځي

ـــــــ

شيخ ابو سليمان داراني رحمت الله عليه فرمايي چي كله تاسو دخپل خداي په حضور كښې عرض پيشوئ نو دهغه عرض په ابتداء كښې پر خپل پيغمبر ص باندې درود شريف واياست او له درود څخه وروسته بيا هغه خپل عرض يا حاجت له خپله ربه ج څخه غواړئ

او دخپل عرض او حاجت نه وروسته هم يو ځل پر خپل پيغمبرص باندې درود واياست ددې دپاره چي الله پاك ستاسو دا درود قبلوي او شايد چي ددې په مينځ كښې ستاسو دعا هم قبوله كړي

ــــــــــــــ

په مينه او درناوي

محمدعلي عمري

سهيلي پښتونخوا مسلم باغ