دبينوا ټولنې مشر به يې خود واهو

كله چي مي په افغان ادبي بهير سايت كي دا خبر وا وريدو چي دپښتو ژبې

يو ويښ وجدانه شاعر عبد الاحمد محمد يار وهل شوئ

نو خداي شته ډيره زياته مي خوا پرې بده شوه خو په عين حال كي ښاغلي محمديارته په غصه هم شولم دا پدې چي ګرانه محمدياره تا ته څه ضرورت دئ چي ته ښاروال مشاعرې ته را دعوت كوې موږ شاعران ولې خپل ځانونه دومره مجبوره احساس كړو چي په مشاعروكي مو حكومتي خلګ ګډون وكړي شاعران خو يواځې مينه مني او يواځې ښكلا ته سرڅوړي كويشاعر خو هغه بې سرحده مجاهد دئ چي له هيچا ځخه ډار نلري خو اوس موږ وينو چي كه په كندهار كي مشاعره كيږي كه په ننګرهار او يابل ولايت كښې نو ارومرو به حكومتي چارواكي برخه پكې لري

دغه حكومتي چارواكي پدې موخه را غوښتل كيږي چي له مشاعرې او يا له كوربه ټولنې سره مالي مرسته وكړي الله ج دې فضل وكړي اوس په ډير زيات شمير پښتانه شاعران درباريان شوي دي خبر به ياست چي دري ورځي وړاندي

دهلمند په ولايت كښې دهلمند سيند په نامه پسرلنۍ دوديزه مشاعره وشوه

چي پدې مشاعره كښې په زيات شميرحكومتي چارواكو برخه درلودله

او بله يې لا دا چي شاوخوا يونيم سل ۱۵۰ شاعران دحكومت په بدرګه له كابل ځخه په ؛ څرخكه؛ طياره كښې هلمند ته ديادې شوې مشاعري دپاره ورسول شول

تاسو به خبر ياست چي دطيارې پر يوه پرواز څومره خرچه راځي

آيا دا درباري توب نه دئ درباري توب وي څنګه اوس په افغانستان كښې اكثره پښتو مشاعري حكومت سپورټوي شاعر خو هغه سترقهرمان دئ چي

تور ته تور اوسپين ته سپين وايي په هرحال اوس لا وخت نه دئ تير

درځئ چي ځانونه ازادكړو او خپلو مشاعرو ته ازاد خلګ را وغواړو

شاعر دقام زړه دئ شاعر دقام سترګي دي

شاعر هيچا ته چا پلوسي نه شي كولاي

او يوه غوښتنه له ټولو ادب مينانو ځخه دا لرم چي هر وخت مشاعره يا ادبي غونډه كوي نو دامنيت دپاره دې پوليس پر ځان نه دروي

ځكه پوليس دبې امنۍ تر ټولو ستر لامل دئ

البته پدې خبرو سره زما هدف يواځې دشاعر ازادي ده چي شاعر بايد خپلې ازادي ته وګوري او خپله ازادي وپيژني

په هرصورت څښتن ج دې ښاغلي عبد الاحمد محمد يار ته صحت وركړي

او څښتن ج دې دپښتو ژبې دخدمت په لاره كښې بريالئ لري

آمين

په درناوي

محمدعلي عمري

سهيلي پښتونخوا مسلم باغ