غزل ؟ استاد حقيار

ناصحه ستا دكتاب يكي يو مضمون نه مني
مين زړګئ مي له ليلا ځخه پريكون نه مني

پريږده چي ډكي كړي يو څو دتاريخ نوري پاڼي
هغسي هم دوخت مجنون دځان جنون نه مني

ته پر له واړوه په مينه لږ دميني دفتر
دعشق لومړئ قانون همدادئ چي قانون نه مني

څوك چي پوي شوي وي دعشق او محبت په معني
هغوي دعقل پوهنتون او افلاطون نه مني

پر هغو مستو څه اثر كړي دسبا ګواښونه
كوم ليونيان چي نن مني مګر پرون نه مني

چي يوګړئ ديار بي ياده بي فكري كي راشي
حقيار په مړو كي ځان شميري داسي ژوندون نه مني